O Ján Lacko – la Verakero Lackovonakero dadeskero papus ROM
O Ján Lacko (1901 -1967) uľila andro Dolný Turček andro okresis Turčianské Teplice. Has lavutaris, bašavelas pre lavuta the bikenkerelas pal o khera o pochtana. O Janos pes andro SNP marelas le Ňemcenca. Sar partizanos has andro II. Partizansko brigada M.R. Štefánika andre skupina Jegorov. Paľis has andro 5. odďilos I. Partizansko brigada M.R. Štefánika, kaj has šeralo o Gejza Lacko khatar e Kremnica.
Andro jesos 1944 pen o partizana kampenas te cirdel pale, bo o ňemcika slugadža zaile o thana kaj o partizana has. Paľis chudle o Ňemci te kerel bare represaliji. Vaš o Lacko avľa 28.10. 1944 o gestapo the thode les andre bertena Ilavate. Paľis les transportoha bičhade andro taboris vaš o Roma andre Dubnica nad Váhom.
Leskeri šov manušengeri famiľija iľa o gestapos andro novembris 1944 andre Horná Stuba, hoj len šunena avri. Paru ďivesa pal kada len e ňemecko domobrana -Heimatschutz ile andro veš, vičinenas oda than “Puš”, kaj len viľinde.
Sar o Lacko avľa khere andro marcos 1945 rakhľa avri labardo kher u paľis leske phende, hoj leskera famiľija murdarde. Paru berša pal o mariben peske iľa avra romňa, so lake tiš andro mariben murdarde la famiľija.
________________________________________________________