O Anton Facuna ROM
O Anton Facuna (1920 -1980) uľila andro Horné Jasené, andro okresis Martin. Has andro Slovensko nacijakero uprehazdľipen the peršo Rom andre americko vojensko spravodajsko služba. Andre slovensko armada geľa 1. oktobriste 1941 kaj has paš o dělostrelecko plukos, sar Rýchlá divízija andro mariben pes marelas andro Sovjetsko svezos. Decembriste 1943 les bičhade andre “zaisťovací divízia” andre Talijansko khatar denašľa kijo partizansko jekhetaňiben Rinoldo, savi kerelas o odbojis pro than Perugia.
Sar kerďa o parašutisticko džaňiben junoste 1944 mek avre americke slugadženca kerde “tajno misija”, savi imar delas o vast le manušenge te keren Slovensko nacijakero uprehazdľipen. Pre partizansko letiskos Tri Duby avľa deštheštar manušenca khatar e “tajná slúžba OSS” kaj les thode andre skupina Day. Kerelas buťi sar manuš, so prethovelas andre aver čhib, phenelas pal o thana so kampelas the has paš o vast le spravodajcenge. Leskero ukolis has te džanel, khatar the kaj džan o ňemcika slugadža.
O Anton Facuna andro pandžvardešte berša delas e kritika pre oda sar o rajaripen kamelas te kerel sar phenenas “cigánskou otázku”….le MUDr. Jánoha Cibuloha thode pro pindre o Zväz Cigánov – Rómov pre Slovensko the o podňikos Bútiker (1969 -1973). Has peršo šeralo andro Zväz Cigánov Rómov u tiš rjaďiteľis andro podňikos Bútiker (1969 – 1970).
______________________________