O Mikuláš Oláh ROM
O Mikuláš Oláh (1923 -1998) uľiľa andre Dětva. Andro SNP has le 29. 9. 1944 dži 11.11. 1944. Na has korkoro andre famiľija, ko has andro uprehazdľipen. Leskero phral o Jozef Oláh has andre partizansko skupina Za slobodu Slovanov. Le Mikulašis the le Jozefos ile pal oda sar o uprehazdľipen o Ňemci ispidle palal the deportinde len andro koncentračno taboris andro Mauthausen. Khere avľa ča o Mikulašis.
Sar phenel o manuš khatar lengeri famiľija o Branislavos Oláhos, has andro regijonos Podpoľanija maškar o partizana but anonimna Roma. Andre lengere famiľiji pal e bibacht savi peľa pro Roma andro dujto baro mariben vakerenas. Mek leperelas sar vakerenas khere pal o papus, vičinenas les Ján the has oda la dakero dad. O Ján has andro buťakere útvara ko Hanušovice nad Topľou, kaj kampelas te kerel phari buťi pre štreka savi džalas andro Strážské. Odoj pre štreka le julostar 1942 dži andro aprilis 1943 musaj kerenas buťi buter sar jekh ezeros romane manuša.
Kaja phari manualno buťi andro buťakere utvari the paľis buťakere tabora has e perzekucija savi kerelas o Slovensko štatos mujal o Roma.
Pro agor andro berš 1944 les o amti mukhle khere. Jov geľa paš o partizana the kim na has o agor le dujte bare maribnaske has paš o partizana.
____________________________