O Imrich Horváth ROM
O Imrich Horváth (1912 -1977) has Rom the československo slugadžis khatar o gav Seňa pre vichodno Slovensko. Sar pre teluno Slovensko avľa ungriko “branná moc” musaj geľa andre ungriko armada the bičhade les pre vichodno fronta.
Andro berš 1943 dezertinďa the geľa andre Československo vojensko brigada andro Sovjetsko svezos. Has andro mariben pre ukrajinsko fronta sar pen marenas vaš o Dukelský průsmyk.
Oktobriste 1944 o Ňemci pale chudle e zor andre pengere vasta, chudle les the bičhade les andro koncentračno taboris andre paluňi Ňemecko. Sar imar khelenas e vojna o spojenecka vojska, denašľa khatar o koncentračno taboris mek avre manušenca. Andre Československo avľa pale la americkona armadaha.
______________________________